Ylli i futbollit botëror, Lionel Messi është dënuar me 21 muaj burgim nga gjykata spanjolle, e cila e shpalli atë fajtor për 3 akuza të lidhura me evazionin fiskal. Lajmi është bërë i ditur sot përmes një deklarate të gjykatës. Me 21 muaj burg dhe për të njëjtat akuza gjykata dënoi edhe të atin e futbollistit argjentinas, Jorge Messi.
Më parë Messi kishte deklaruar se nuk dinte gjë lidhur me taksat sepse babai i tij ishte menaxheri dhe kryente të gjitha veprimet.
Siç duket kjo nuk është marrë në konsideratë nga gjyakata. Por ende nuk dihet nëse Messi do të shlyej dënimin në burg apo do të paguaj për të qenë i lirë, pasi bazuar në ligjet e Spanjës, dënimet nën dy vite burgim mund të shlyhen edhe në liri me kusht.
Gjykata ka urdhëruar Messin të paguajë një gjobë prej rreth 2 milionë eurosh, ndërsa babain e tij me 1.5 milionë euro për këto shkelje.
