Trajneri i Interit, Luciano Spalletti, është paraqitur sot para mediave për të folur për sezonin që sapo u mbyll, me zikaltërit të cilët arritën të kapnin një vend në “Champions League”.
Por në momentin që kishte më shumë se kurrë optimizëm të zikaltërit Spalletti ka dhënë lajmin e hidhur për tifozët: ata do të largohen.
“Po tentoj t’ju heq pak nga puna sot: Cancelo dhe Rafinha për momentin nuk mund të qëndrojnë tek Interi. Nuk mund t’i blejmë dot. Ne një moment të dytë të shohim nëse do ia arrijmë. Ata të dy janë lojtare të mrekullueshëm. Kush nuk do të donte t’i kishte në skuadër. Na kanë dhënë forcë nga ana futbollistike por edhe nga ana mentale.
Por për fat të keq kështu funksionon sepse pastaj nëse nuk i respektojmë rregullat do të na mbeten si lojtarë vetem Ausilio, Gardini dhe Antonello”, tha Spalletti.
