Ambasadori i Bashkimit Europian në vendin tonë, Luigi Soreca është shprehur se opozita e re parlamentare duhet të shkojë në zgjedhjet lokale.
Ky reagim vjen pas krijimit të dy grupeve të reja parlamentare në Kuvend, që përfaqësojnë PD dhe LSI me kryesi përkatësisht Rudina Hajdarin dhe Nimet Musain.
“Ne shpresojmë që opozita do të marrë pjesë në zgjedhjet lokale. Ne kërkojmë që opozita të jetë prezente. Tani është koha për dialog. Opozita duhet të flasë mes vetes dhe me qeverinë në mënyrë që të kemi pjesëmarrje”, shprehet Ambasadori i BE në Tiranë.
