Moderatori Enkel Demi me këngëtaren Rozana Radi në provën gjenerale të spektaklit
Spektakli i bukurisë Miss Shqipëria ka mbërritur në edicionin e tij të 18-të. Një natë më parë ëshët zhvilluar prova gjenerale e spektaklit që do të mbahet sot në darkë në kalanë e Lezhës. Spektakli zhvillohet pas një turi disa javor, ku bukuroshet pretendente për kurorën, kanë prekur thuajse çdo destinacion.
Gara e përvitshme, në një skenë madhështore, të ndërtuar enkas për këtë mbrëmje, do të moderohet nga gazetari Enkel Demi, me pjesëmarrjen e Rozana Radit, si edhe të ftuar të tjerë, midis të cilëve Eneda Tarifa, Altin Goci, Devis Xherahu, Filloreta Raçi, si edhe këngëtarja nga Maqedonia, Kaliopi.
Mis Miss Shqipëria ka shtegtuar ndër vite si Berati, Durrësi, Butrinti, Kruja, Pogradeci e gjetkë, mbërrin në destinacionin përfundimtar, në pedonalen e Lezhës, në mbrëmjen finale të 4 korrikut, në një transmetim të drejtpërdrejtë në platformën Digitalb, në kanalin T HD.
