Më shumë se gjysma e shqiptarëve duan të ikin nga Shqipëria.
Ky është rezultati i një sondazhi të realizuar nga Gallup. Sipas sondazhit, shtetasit me dëshirën më të lartë për të emigruar nga vendi i tyre janë qytetarët e Sierra Leones, një vend i mbërthyer nga luftrat civile dhe konfliktet e armatosura, pas shërthimit Ebola.
Interesante është që vendi ynë renditet i treti, por me përqindje të barabartë me Haitin, i cili zë vendin e dytë. Në komentin që i bëhet sondazhit në Gallup.com, thuhet se arsyeja e emigrimit të Shqiptarëve është papunësia, ndryshe nga Sierra Leone, Siria etj që emigrojnë për shkaqe të luftrave.
Nga periudha 2010-2012 dëshira e emigrimit të shqiptareve ishte 36%, ndersa në periudhën 2013-2016 rritet me 20%, duke shkuar në 56%. Pra më shumë se gjysma e popullsisë.
Përveçse në tre vendet me përqindjen më të lartë në botë të popullsisë që do të emigrojë, Shqipëria është edhe ajo që ka shënuar rritjen më të madhe të këtij treguesi vitet e fundit.
Pas Shqipërisë, vijnë dy vende të tjera afrikane, Liberia me Kongon, ndërsa Siria rezulton në vendin e nëntë.
Sipas Gallup, 14% e popullsisë globale në moshë madhore dëshiron të emigrojë. E përkthyer në vlerë, kjo do të thotë se aktualisht mbi 710 milionë persona në gjithë botën duan të largohen nga vendi i tyre.
/gallup.com/
