Një sondazh i realizuar nga “Reuters/Ipsos” tregon se mëdyshjet e kanë gërryer mbështetjen për republikanin kontrovers.
Një në 8 persona që kanë votuar për Donald Trump ka ndërruar mendje, e pas gjashtë muajve të stuhishëm të tij në krye të Shtëpisë së Bardhe nuk janë më aq të sigurtë nëse do t’ia jepnin sërish votën manjatit të pasurive të patundshme.
Ndërkohë ka pasur edhe sondazhe të tjera që janë fokusuar tek matja e niveleve të ndryshme të zhgënjimit nga presidenti i 45-të i Shteteve të Bashkuara, ama kjo e “Reuters” shkon deri aty sa të verifikojë sa prej tyre do ta ndryshonin votën nëse zgjedhjet do të mbaheshin tani.
Shumica e presidentëve e humbin mbështetjen sa më gjatë të qëndrojnë në Shtëpinë e Bardhë. Edhe ish-presidenti Obama e pa t’i binte popullariteti i tij mes demokratëve dhe votuesve minoritare, por kjo ndodhi vetëm nga fundi i mandatit.
