Pika më e nxehtë e diskutimeve ndryshimet e statutit të PS
“Xibrraku” do të jetë nesër si zakonisht mikpritës i socialistëve. Në orën 12 aty pritet të nisë punimet Asambleja Kombëtare e PS e cila do të ketë një axhendë të ngjeshur diskutimesh. Fillimisht asambleistët do të diskutojnë relacionin e zgjedhjes në parti. Më pas si një pikë e dytë e rendit të ditës është debate për ndryshimet në statutin e partise. Deri më tani në debatet publike pika më e nxehtë e këtyre ndryshimeve është përcaktimi për zgjedhjen e kreut të PS.
Asambleja do të diskutojë gjithashtu zgjiedhjen e kandidaturave të reja për anëtarët e saj, anëtarët e Komisionit të Garancive Statutore dhe zgjedhjet e strukturave të partisë në emigracion.
Ndërkohë ndryshimet në statutin e PS kanë sjellë risi edhe për përzgjedhjen apo rikonfirmimin e dëputetëve. Kështu kandidatët për deputet që duan të rikonfirmohen për një mandate të dytë duhet të kalojnë me notë pozitive një vlerëzim që do t’i bëhet punës së tyre. Neni 61 përcakton se Kryesia së bashku me sekretariatin ekzekutiv në mbyllje të legjislaturës harton një vlerësim individual me performancën e deputetit lidhur me marrëdhënien e mbajtur me zonën përkatëse elektorale, përfaqësimin në komision, mbledhje grupi dhe në seancë plenare. Në këtë projekt statut futet për herë të parë dhe koncepti i integritetit moral sipas të cilit nuk mund të zgjidhesh në forumet drejtuese të partisë nëse më parë ke qenë shkarkuar për korrupsion ose ke qenë dënuar me vendim të formës së prerë.
