Një skelet ‘Tyrannosaurus rex’ (dinosaur biseksual) është shitur në një ankand për një shifër të çmendur, 31.8 milionë dollarë.
Çmimi fillestar ishte vendosur nga 6 mln deri në 8 mln. Interesi për të u rrit shumë shpejt dhe pas 20 minutash u bë edhe shitja për çmimin rekord. Ankandi u organizua nga kompania e specializuar, Christie’s në New York, teksa nuk është zbuluar identiteti i blerësit.
Skeleti i shitur përfshinte rreth 188 kocka, ose rreth 70% të trupit të dinosaurit. Sipas studiuesve, ai ishte në moshë të madhe kur ngordhi dhe se gjatë jetës së tij ka vuajtur shumë sulme, por edhe sëmundje të njëpasnjëshme.
Plagët në pjesën e pasme të kafkës dhe brinjës së tij tregojnë se ai ishte goditur në një moment nga një dinosaur tjetër grabitqar. Që prej vitit 1902 janë zbuluar rreth 50 fosile të këtij lloji dhe shumica janë shitur në ankand për shifra nga më të ndryshme.
