Drejtoresha dhe infermierja e Qendrës së Zhvillimit Social në Shkodër lirohen nga paraburgimi.
Gjykata e rrethit Shkodër caktoi sot masën e sigurisë arrest shtëpie për drejtoreshën Juliana Cepi dhe infermieren Aida Ymeraj. Prokuroria kërkoi arrest me burg, gjë që nuk u pranua nga pala mbrojtëse. Juliana Cepi dhe Aida Ymeraj do të monitorohen me sistem elektronik.
Ndalimi i tyre u bë si pasojë e një hetimi dy javor të Prokurorisë, ku rezultoi se pacientët me sëmundje të shëndetit mendor kanë qenë objekt abuzimesh seksuale dhe dhune të vazhdueshme fizike.
Sipas burimeve të prokurorisë, drejtoresha bashkë me infermieren kanë qenë në dijeni të abuzimeve sistematike, por nuk kanë referuar rastet as kur tre pacientet kanë abortuar. Për më tepër dy të arrestuarat nuk kanë shmangur përsëritjen e dhunës.
Për skandalin që u publikua në emisioni investigativ “Stop”, ka reaguar edhe bashkia e Shkodrës që ka në varësi këtë qendër. Sipas saj ngjarja është e manipuluar dhe e montuar nga persona të caktuar që kanë punuar më herët në këtë institucion, por janë pushuar për thyerje të rënda disiplinore.
