Ministri i Mirëqënies Sociale: Është rasti ti kujtoj cdo bashkie, përgjegjsinë prioritetare për sigurimin e standarteve më të larta për trajtimin e fëmijëve
Është i paprecedent qëndrimi iMinistrit të Mirëqenies Sociale, Blendi Klosi, lidhur me skandalin e madh të ndodhur në jetimorene Shkodrës. Blendi Klosi thotë se bashkitë duhet të marrin përgjegjësinë për këto raste. Në të vërtetë i gjithë stafi i jetimoreve emërohet nga ministria ndërsa bashkia ka përgjegjësinë vetëm për investimet në këto institucione. I gjithë problemi i skandalit në jetimoren në Shkodër lidhet me sjelljen skandaloze të sfatit të këtij institucioni. E megjithatë Klosi thotë: Është rasti t’i kujtoj cdo bashkie, përgjegjsinë prioritetare për sigurimin e standarteve më të larta për trajtimin e fëmijëve.
Nuk është rasti i parë që jetimorja e Shkodrës përballet me skandale të tillë. Një vit më parë po në këtë jetimore u publikua nga mediat skandali i dhunës së pashëmbullt të stafit ndaj fëmijëve të mitur të kësaj jetimoreje.
