Matt Hancock anuloi një vizitë në qendrën shëndetësore të vaksinimit sot pasi u akuzua për një lidhje me ndihmësin e tij më të ngushtë kur u shfaq në kamerat e sigurisë duke u puthur me ndihmësen e tij.
Ministri i Shëndetësisë, 42 vjeç, është filmuar nga kamerat në korridorinn e institucionit që ai drejton duke fërkuar pjesën e pasme të lobistes milionere Gina Coladangelo, 43 vjeç, e cili u emërua prej tij si këshuilltare në marsin e vitit të kaluar.
Incidenti mendohet të ketë ndodhur në korridorin jashtë zyrës së tij në selinë e Departamentit të Shëndetësisë në Londrën qendrore rreth orës 3 pasdite në 6 majin e këtij viti, pikërisht në ditën e zgjedhjeve lokale në Mbretërinë e Bashkuar në kulmin e pandemisë në Mbretërinë e Bashkuar.
Puthja vjen 13 ditë para se qeveria të ndryshonte rregullat e sigurisë duke përfshirë edhe dhënien e lejes për përqafim.
Hancock fillimisht ka kontrolluar korridorin dhe kur ka qenë i sigurt se nuk kishte njeri ka filluar përqafimin e tij të pasionant me Coldangelo. The Sun pretendon se ata kanë pasur një lidhje që ka qenë përfolur në të gjithë departamentin.
Hancock është martuar prej 15 vitesh me gruan e tij Marta, 44 vjeç dhe çifti ka tre fëmijë së bashku. Hancock dukej e trishtuar dhe e mërzitur teksa u pa të braktiste shtëpinë bashkëshortore në veri të Londrës mëngjesin e sotëm. Ajo preferoi të heshtë para gazetarëve.
Burri i saj dhe Ministri i Shëndetësisë nuk u pa në krah të saj, e megjithatë, ajo mbante ende në gisht unazën e martesës. Hera e fundit që ata u panë së bashku në publik ishte gjatë ndeshjes Angli – Skoci të Euro 2020 në Wembley rreth një javë më parë.
Drejtoresha e komunikimit dhe lobistja Coladangelo është nënë e tre fëmijëve. Burri i saj eshtë Oliver Tress është themeluesi i dyqanit të veshjeve “Oliver Bonas”. Grilat e shtëpisë së tyre me një vlerë 4,5 milionë paund në Londrën e Jugut 4.5 milion £ qëndronin të mbyllura këtë mëngjës. Coladangelo ka qenë njeriu më i afërt i Hancock “Para se Matt të bëjë ndonjë veprim të madh apo të vogël, ai do të flasë me Ginën më parë”, tha një burim.
Gjithashtu Coladangelo është shoqe me gruan e Matt Hancock dhe shihen shpesh në foto së bashku në rrjetin social Facebook.
MailOnline ka kontaktuar përfaqësuesit e Ministrisë së Shëndetësisë në lidhje me këtë skandal. Një mik i Hancock tha The Sun se ata nuk kishin “asnjë koment” në lidhje me çështjen, por duke shtuar se nuk është shkelur asnjë rregull.
https://www.youtube.com/watch?v=9Auq9mYxFEE
Por një informator i Whitehall i cili dorëzoi dhe pamjet në media dhe nuk punon më për departamentin, i tha gazetës se ishte tronditëse që Hancock kishte një aferë seksuale në mes të pandemisë me një këshilltare të cilën ai e ka punësuar personalisht duke e paguar me paratë e taksapaguesve.
Afera e dalë në dritë shton dhe më shumë presionin ndaj zotit Hancock, i cili po përballet mo jo pak akuza për mënyrën se si është menaxhuar pandemia. Këshilltari i Kryeministrit Dominic Cummings, me anë të disa mesazheve në ëhatsapp ka rrëfyer se kryeministri Johnson a ka konsideruar atë si “jo eficcent”, gjatë periudhës pandemike.
Por përveç akuzave për aferën seksuale Hankock duket se do të përballet dhe me akuzën e shkeljeve të rregullave të pandemisë, të cilat ai vetë i ka hartuar. Vetë Ministri nuk ka komentuar ende asgjë, ndërkohë që ka anuluar një event në zonën e tij elektorale në West Sufolk, mëngjesin e sotë, ku ai do ishte i detyruar të përballej me pyetjet e gazetarëve.
Ai gjithashtu fshiu një postim në rrjetin Instagram të bërë një ditë më parë e cila shoqërohej me diçiturën “Kur punon me disa gra të shkëlqyera”.
Ministri i Transportit Grant Shapps, i pyetur tha se kjo ishte një “çështje krejt personale” për kolegun e tij të kabinetit. Në një intervistë për radion LBC ai do shprehej “unë e kam parë foton, por kur bëhet fjalë për jetën private gjithmonë përpiqem të shmang komentet, dhe në këtë rast do i përmbahem zakonit tim”.
Më tej, ai tha se për sa i përket distancave që duheshin respektuar, çfarë ka qenë për t’u zbatuar në atë kohë është ndjekur në mënyrë rigoroze.
