Deputeti i PD Belind Këlliçi në një deklaratë për mediat ka folur rreth aferës së Inceneratorëve.
Ai ka drejtuar 5 pyetjet e radhës lidhur me inceneratorët përgjigjet e të cilave sipas tij zbulojnë aferën korruptive të inceneratorëve.
Sakaq Këlliçi thotë se PD po dëshmon çdo ditë se përmes megaaferës së inceneratorëve Rama, Ahmetaj, Agashi dhe Veliaj përmes një grupi të strukturuar përvetësuan 430 milion euro.
“22 milionë euro janë vjedhur nga xhepat e shqiptarëve. Pesë pyetjet e radhës për inceneratorët janë: A është në fuqi vendimi i këshillit të ministrave? Çfarë interesi ndodhi që u harrua vendimi i KM? Karakteristikat e inceneratorët të Elbasanit të gjitha janë në kontratë. Cilën karakteristik të inceneratorit ka shpjeguar zhgaravina e botuar në fletoren zyrtare? Kush i ka hartuar kontratat e inceneratorëve? Sa eksperiencë kishte në incenerim kompania që ju dha kontrata për inceneratorin e Elbasanit? PD po dëshmon çdo ditë se përmes megaaferës së inceneratorëve Rama, Ahmetaj, Agashi dhe Veliaj përmes një grupi të strukturuar përvetësuan 430 milion euro”, shprehet Këlliçi.
