“Shkopi ishte prej hekuri dhe ajo na rrihte pa mëshirë”
Njëra prej vajzave të dhunuara në jetimoren e Shkodrës, K.B i është drejtuar me një letër kryeministrit Edi Rama. 12 vjeçarja, që jeton në këtë institucion së bashku me 2 motrat e saj, prej shumë vitesh rrëfen në letrën e saj dhunën sistematike që është ushtruar ndaj asaj dhe motrave brenda jetimores.
“I dashur Kryeministër, unë jam K.B 12 vjeçe, T.B është 11 vjeç dhe L.B është 7-të. Unë kam 6 vëllezër dhe 6 motra. Unë kam vuajtur shumë nga një vajzë e rritur dhe nga disa djem të mëdhenj. Motrat e mia i çonte në një dhomë kjo vajza dhe i rrihte shumë. Unë po e shkruaj këtë letër me sytë me lot. Ajo merrte shkopin që ishte në raft dhe na rrihte. Shkopi ishte prej hekuri dhe ajo na rrihte pa mëshirë”, shkruan vajza. Ajo është e bija e Natasha Bajramit, gruaja e cila një ditë pasi u publikua në media rasti, denoncoi dhunën në këtë institucion dhe kërkoi që të bëhej ekspertimi i gjendjes së vajzave të saj që rrinin në Shtëpinë e Fëmijës. Vajza shkruan në në letrën e saj se në dijeni të ngjarjeve ka qenë edhe ish-drejtoresha Albana Llazani, apo siç ajo e quan zysh Albana. Me anë të letrës 12 vjeçarja kërkon nga kryeministrit të ndihmohet familja e saj dhe ajo së bashku me tre motrat që të largohen nga jetimorja.
