Një ngjarje skandaloze ka ndodhur në burgun Vlorës ditën e sotme, pasi për shkak të papërgjegjshmërisë po dalin të burgosurit nga qelia pa asnjë vendim të posaçëm. Mësohet se për shkak të ndërrimit të emrave dhe dokumenteve, autorë të veprave penale përfundojnë të lirë.
Sipas burimeve, me urdhër të eprorit të IEVP Vlorë “ngatërresat” në shkresa po lirojnë njerëz nga burgu. Konkretisht bëhet fjalë për një zhvillim të javës së fundit, ku një shtetas identifikuar si Simon Leskaj, i akuzuar për prodhim dhe shitje narkotikësh edhe pse do duhej të ishte nën masën e sigurisë arrest me burg, rezulton në liri. Madje burime bëjnë me dije se shtetasi në fjalë tashmë gjendet jashtë kufijve të Shqipërisë.
