Linjat e udhëtimeve ajrore në Shqipëri shpesh herë bëhen pjesë e skandaleve me papërgjegjshmërinë ndaj udhëtarëve. Këtë herë shkaku është linja “Air Albania”. Dhjetëra pasagjerë kanë humbur udhëtimin për shkak se kompania i mashtroi dhe avioni u nis para orarit të caktuar.
Një nga pasagjerët ka denoncuar në redaksinë e Gijotina.com se ka prerë biletën e udhëtimit me orar nisje 17:00 nga Aeroporti i Rinasit dhe destinacioni në orën 18:50 në Milano. Sipas denoncuesit, mbrëmë ai ka bërë verifikimin dhe iu kanë thënë se çdo gjë është në rregull. Ndërkohë, kur ka shkuar sot që të niset për udhëtim iu kanë thënë se avioni është nisur në orën 12:00, pra 5 orë para.
Janë dhjetëra qytetarë që kanë humbur udhëtimin dhe janë ankuar pranë sporteleve, por ata nuk kanë marrë zgjidhje. E vetmja gjë iu kanë thënë është se kompania i ka njoftuar me email që avioni do nisej në orën 12:00. Në fakt denoncuesi dhe pasagjerët e tjerë thonë se kjo nuk është e vërtetë.
“Kisha udhëtimin në orën 5, kur vajta në aeroport më thanë se avioni është nisur në orën 12. Po si u niska avioni 5 orë para, kur të gjithë pasagjerët kanë biletat për në orarin 5? Mbrëmë vajti djali bëri verifikimin dhe i thanë që çdo gjë në rregull. Ndërsa sot më thanë se më kanë dërguar email për këtë ndryshim orari. Në fakt nuk na ka ardhur asnjë email, as mua as të tjerëve. Të gjithë po debatonin por ata nuk jepnin asnjë zgjidhje, kështu që jemi detyruar të presim biletë tjetër”, u shpreh denoncuesi për Gijotina.com.
Sikur e shohim kompania “Air Albania” as nuk ka mbajtur përgjegjësi për skandalin e bërë dhe as nuk iu ka ofruar rimbursim për biletën klientëve.
Linjat e udhëtimeve ajrore në Shqipëri shpesh herë bëhen pjesë e skandaleve me papërgjegjshmërinë ndaj udhëtarëve. Këtë herë shkaku është linja “Air Albania”. Dhjetëra pasagjerë kanë humbur udhëtimin për shkak se kompania i mashtroi dhe avioni u nis para orarit të caktuar.
Një nga pasagjerët ka denoncuar në redaksinë e Gijotina.com se ka prerë biletën e udhëtimit me orar nisje 17:00 nga Aeroporti i Rinasit dhe destinacioni në orën 18:50 në Milano. Sipas denoncuesit, mbrëmë ai ka bërë verifikimin dhe iu kanë thënë se çdo gjë është në rregull. Ndërkohë, kur ka shkuar sot që të niset për udhëtim iu kanë thënë se avioni është nisur në orën 12:00, pra 5 orë para.
Janë dhjetëra qytetarë që kanë humbur udhëtimin dhe janë ankuar pranë sporteleve, por ata nuk kanë marrë zgjidhje. E vetmja gjë iu kanë thënë është se kompania i ka njoftuar me email që avioni do nisej në orën 12:00. Në fakt denoncuesi dhe pasagjerët e tjerë thonë se kjo nuk është e vërtetë.
“Kisha udhëtimin në orën 5, kur vajta në aeroport më thanë se avioni është nisur në orën 12. Po si u niska avioni 5 orë para, kur të gjithë pasagjerët kanë biletat për në orarin 5? Mbrëmë vajti djali bëri verifikimin dhe i thanë që çdo gjë në rregull. Ndërsa sot më thanë se më kanë dërguar email për këtë ndryshim orari. Në fakt nuk na ka ardhur asnjë email, as mua as të tjerëve. Të gjithë po debatonin por ata nuk jepnin asnjë zgjidhje, kështu që jemi detyruar të presim biletë tjetër”, u shpreh denoncuesi për Gijotina.com.
Sikur e shohim kompania “Air Albania” as nuk ka mbajtur përgjegjësi për skandalin e bërë dhe as nuk iu ka ofruar rimbursim për biletën klientëve.
