Nga Esmeralda Hida
AZHBR është zhytur në borxhe dhe bën shpenzime pa kriter nga akra e shtetit. Në një hetim të kryer për tre fitet e fundit në këtë institucion Kontrolli i Lartë i Shtetit ka evidentuar një sërë shkeljesh dhe abuzimesh. Sipas të dhënave të publikuara vetëm për pagat për orë shtesë të punonjësve dhe për detyrime të tjera ndaj tyre, AZHBR ka shpenzuar 1.4 miliardë lekë, por këto shpenzime nuk janë të regjistruara me dokumentacion sipas ligjit.
Madje AZHBR ka shpenzuar gjatë 2020 mbi 72 milionë lekë për një tender për blerje karburanti, i cili gjithashtu është kryer në shkelje të ligjit për prokurimit. Shtoi këtu faktin që 72 milionë lekë është një vlerë tepër e lartë për këtë shpenzim, por as për këtë rast AZHBR nuk ka bërë raportimin e saktë në thesarin e shtetit
“Janë shpenzuar 2,023,1585 lekë, për detyrime të pa mbyllura të punonjësve , nga të cilat 1,162,793 lekë për leje të zakonshme, për vlerën 459,300 lekë për orët jashtë orarit, si dhe shuma 328,268 lekë për zhvillimin e procedurave të tenderit dhe 72,794 lekë për tejkalim karburanti. Për të gjitha këto detyrime të njohura dhe regjistruara në kontabilitet AZHBR nuk ka ndonjë dokumentacioni që të vërtetojë se ka dërguar njoftimet përkatëse pranë subjekteve/individëve të cilët janë debitorë për vlerat e konstatuara”, thuhet në dokument.
Abuzim me skemat e fermerëve
Nga ana tjetër KLSH konstaton se AZHBR ka abuzuar me skemën e fermerëve si për grantet që vinë nga ndërkombëtarët edhe për ato që vijnë nga thesari i shteti. KLSH tregon se Agjencia nuk ka raportuar të dhënave sakta, duke lënë të kuptohet se fondet janë vjedhur.
“Në vlerën prej 814,546,562 lekë përfaqëson vlerën për skemat kombëtare, të cilat kanë një afat për monitorimin e tyre deri në pese vjet. Nga auditimit konstatohet mospërputhje e pasqyrës se fondeve neto. Nga grantet e Jashtme kapitale (+) është kredituar për shumën 66,257,354 lekë, ku në fakt shuma e grandeve të bëra hyrje është në vlerën 163,074,466 lekë për projektin IPARD II”, theksohet në dokument.
2.7 mld lekë debi
Ndër të tjera, në raport evidentohet se nga AZHBR -ja mungon një analizë e debitorëve, ku të ketë një relacionin përmbledhës mbi evidentimin. Madje, AHBR nuk ka bërë verifikim historik të lindjes së detyrimeve për çdo debitor mbështetur në dokumentacionet dhe informacione. Kjo papërgjegjësi dh abuzim i AZHBR i ka kushtuar buxhetit të shtetit 2.7 miliardë lekë.
“Operacione me shtetin (të drejta)” u konstatua debitimi i shumës prej 2,744,848, e cila ka të bëjë me debitorë të trashëguar në vite dhe të paidentifikuara nga institucioni”, thuhet në raport.
Kjo tregon që, pavarësisht thirrjes së herë pas hershme nga Tatimet, AZHBR vazhdon të manipulojë debitë dhe në çdo vit ato rriten dhe rëndojnë mbi buxhetin e shteti. Pra, AZHBR në vend që të mendojë dhe hartojë plane për t’iu ardhur në ndihmë fermerëve dhe në vend që të vërë në zbatim fondet për të zhvilluar sektorin e bujqësisë, bën të kundërtën abuzon me parat e taksapaguesve.
