Kreu i Partisë së Lirisë, Ilir Meta është rikthyer tek afera e inceneratorëve, e cila sipas tij po vjedh shifra marramendëse parash ndërsa plehrat vijojnë të digjen, duke helmuar banorët e ndotur ambientin. Së fundmi, duke publikuar një video nga zona e Shijakut, ish-presidenti Meta shkruan se bashkia po djeg tonelata me plehra duke helmuar banorët.
Sipas kreut të PL, kjo ndodh pasi paratë e inceneratorëve vidhen nga grupi i strukturuar kriminal, siç e quan ai.
“Nuk ka rënë bombë atomike, por thjesht Bashkia e Rilindjes në Shijak djeg tonelata me plehra duke helmuar banorët dhe bërë krime mjedisore.
Normal, se lekët e inceneratorëve vidhen nga grupi i strukturuar kriminal, ndërsa banorët terrorizohen që të mos protestojnë”, shkruan Meta krahas videos së publikuar.
