Komisioneri Hahn: Vendimi i Ivanov, i papranueshëm
Komisioneri europian Johanes Hahn e ka cilësuar të papranueshëm vendimin e Ivanov që të firmosë faljen e të gjithë politikanëve të cilët janë nën hetime. ”Deklarata e presidentit të Maqedonisë, Gjorge Ivanov që të gjithë politikanët të amnistohen, ashtu siç unë e kuptoj është e papranueshme dhe nuk është në përputhshmëri me sundimin e së drejtës”, ka deklaroi Hahn për Radion Europa e Lirë. Sipas tij situata në Maqedoni në ditët e fundit mjaft është përkeqësuar. “U bëj thirrje të gjithë liderëve të partive që të kthehen në bisedime dhe të fokusohen për zgjedhje të ndershme e transparente dhe mendoj që një pjesë e asaj është pastrimi i listës zgjedhore, por gjithashtu edhe mos-bojkotimi i zgjedhjeve”, ka thënë eurokomisioneri Hahn.
