Ishulli Evia në Greqi vijon të jetë nën pushtetin e zjarrit prej gjashtë ditësh. Vatrat e zjarrit janë aktive, ndërsa beteja për shuarjen e tij vazhdon në fshatrat Galatsona dhe Gouves.
Siç raportojnë mediat greke, konkretisht, flakët po rrezikojnë seriozisht dy fshatrat. Zjarri goditi edhe Kastrin, ku u dogjën disa shtëpi.
Pak më tej në anën tjetër të ishullit, zjarri lëviz drejt Kamatriades dhe Galatsades dhe nëse kalon nëpër këto dy qendra, shumë shpejt do të jetë mbi Edipsos.
Në pjesën jugore, ekipet mbështetëse të mbrojtjes nga zjarri që kanë mbërritur në shtetin fqinj nga Ukraina dhe Rumania punojnë ditë e natë. Flakët favorizohen gjithashtu edhe nga erërat.
Megjithatë, më herët, në Troupi, zjarri arriti shumë pranë shtëpive, ndërsa oficerët e policisë u kërkuan banorëve të largoheshin.
Në të njëjtën kohë, përmes 112, u dha një urdhër evakuimi për Gouves, Artemisio, Kastri, Vouliki dhe Pefki dhe u rekomandohet qytetarëve të shkojnë në Istiaia. 349 persona janë transferuar tashmë nga Roja Bregdetare.
