Ministria e Shëndetësisë ka deklaruar se në 24 orët e fundit janë regjistruar 4 viktima dhe 84 raste të reja. Që prej fillimit të pandemisë, në vendin tonë kanë humbur jetën 275 persona. Sipas ministrisë në 24 orët e fundit janë shëruar 97 persona.
Në spitalin Infektiv dhe “Shefqet Ndroqi” po trajtohen 175 pacientë të konfirmuar pozitivë me COVID-19, 17 në terapi intensive nga të cilët vetëm 9 pacientë janë të intubuar.
Sipas Ministrisë në dy spitalet COVID janë duke marrë shërbim të specializuar 43 qytetarë të cilët kanë qenë pozitivë me COVID-19 dhe aktualisht janë negativizuar, por po vijojnë të marrin trajtim spitalor për pasojat e sëmundjes.
Ndërkohë 97 qytetarë janë shëruar në 24 orët e fundit, duke e çuar numrin e të shëruarve në 5020, që nga fillimi i epidemisë.
