Lidhur me situatën e rënduar në dy spitalet COVID, duket se kanë detyruar Ministrinë e Shëndetësisë që të gjejë mundësi alternative të shtimit të numrit të respiratorëve në përdorim.
Mediat daneze raportuan se Shqipëria ka marrë në përdorim 30 respiratorë nga Danimarka me qëllim përdorimin në spitalet tona për të trajtuar pacientët që janë në terapi intensive, shkruan abcnews.al.
Lajmi është konfirmuar edhe nga Ministria e Jashtme e Danimarkës, e cila thekson në faqen e saj se respiratorët do t’i jepen në përdorim Shqipërisë për aq kohë sa do t’i duhen dhe më pas do të rikthehen në vendin e origjinës.
