Lidhur me situatën e tensionuar në Bashkinë e Devollit vjen edhe reagimi i kreut të Partisë Demokratike, Lulzim Basha.
Në një postim në rrjetet sociale, Basha shprehet se regjimi kriminal i pajisur me polici speciale kanë plaçkitur vendin, por nesër do të kenë fatin që meritojnë hajdutët dhe banditët.
“Ky regjim kriminal dhe plaçkitës po hyn në rrugën e verbër të përplasjes me popullin e tij. Sot hajdutët në pushtet ndjehen të mbrojtur se kanë polici speciale, gaz lotsjellës dhe mercenarë, por nesër do të kenë fatin që meritojnë hajdutët dhe banditët”, shkruan Basha.
Kujtojmë se që prej ditës së premtë në Bashkinë e Devollit ka pasur tensione pasi ish kryebashkiaku Bledjon Nallbati ka refuzuar të lirojë zyrën për kryetarin e ri, Eduard Duro.
