Prefektja e qarkut të Vlorës, Etjona Hoxha, sqaron se vetëm në korrik janë shkrumbuar 350 hektarë shkurre dhe kullota, ndërsa është parandaluar përhapja e zjarreve në pyje.
Hoxha bën me dije se situata e zjarreve në qarkun e Vlorës duket problematike sidomos në bashkinë e Selenicës që nuk ka asnjë mjet të shuarjes së zjarreve.
Po ashtu një territor thuajse i pamenaxhueshëm në rrugë tokësore mbetet Karaburuni.
Sipas Prefektes, zjarri i disa diteve më parë është monitoruar nga specialistët e drejtorisë së zonave të mbrojtura.
Ndër rastet e deritanishme të zjarreve në qarkun e Vlorës, duket se problematikat nuk kufizohen vetëm në Selenicë, por edhe në vetë bashkinë e Vlorës dhe në Delvinë.
