Numri i mësuesve rezerve të vënë në dispozicion nga Ministria e Shëndetësisë për të përballuar situatën pandemikë është 1000.
Mësohet se vetëm gjysma e tyre janë angazhuar që nga fillimi i vitit shkollor, megjithatë numri është dinamik sepse situata mund të ndryshojë në çdo moment.
Reagimi i plotë:
Nga 1000 mësues që janë vënë në dispozcion për zëvendësimin e arsimtarëve në sistemin parauniversitar gjatë kohës së pandemisë që nga fillimi i vitit shkollor, më pak se gjysma e tyre janë angazhuar në mësimdhënie.
Numri i mungesave dhe i zëvendësimeve të mësuesve është dinamik. Çdo ditë në kohë reale MASR informohet për numrin e mësuesve dhe nxënësve që mungojnë në procesin mësimor. Në bazë të mungesave merren masa për zëvendësimin e mësuesve në kohë reale nga Zyrat Arsimore.
Janë 215 gjimnaze në 10 bashki të vendit ku mësimi zhvillohet online dhe do të vijojë të jetë online deri në një vlerësim të dytë të komitetit të ekspertëve. Ky vendim u mor nga fakti i rritjes në infektimeve në grupmoshën 15-18 vjeç.
Janë rreth 57 mijë nxënës në këto shkolla. Nisur edhe nga sugjerimi më i fundit i Komitetit Teknik të Ekspertëve për mbajtjen në fuqi të masave të dy javëve të fundit, ku shkollat e mesme në qytetet me risk të lartë do të vazhdojnë mësimin “online”.
Ministrja Kushi ka bërë thirrje që procesi mësimor të ndiqet me rigorozitet nëpërmjet kanaleve të ndryshme, si: “RTSH Shkollë”, platforma “Akademi.al” dhe adresa “Youtube” e MASR.
Që nga data 22 shkurt 2021 (e hëna që kaluam), të gjithë iu rikthyen skenarit të mëparshëm, pas javës së acartë. Pra, mësimi në të gjitha shkollat e arsimit parauniversitar, publik dhe jopublik, tashmë po zhvillohet si më poshtë:
– nxënësit e ciklit fillor (klasa 1 – 5) në shkollë;
– maturantët në shkollë;
– dhe nxënësit e klasave 6 – 11 sipas skenarit të kombinuar.
