Prestigjozia britanike “The Sun” ka zbuluar detaje tronditëse, nga situata në kampin Al-Hawlit, atje ku ndodhet edhe vogëlushi shqiptar, Alvin Berisha.
Në një artikull të fundit, “The Sun” shkruan se brenda kampit sirian po ndodh një terror, teksa po zbatohen ligjet radikale të grupit terrorist mbi popullatën.
Më shumë se 10 mijë banorë të këtij kampi janë të huaj, përfshirë dhe 30 fëmijë dhe gra shqiptare.
“Me tërheqjen e kurdëve dhe marrjen e tij nën kontroll nga ISIS-i, atje po masakrohen foshnja e fëmijë. Rojet po digjen me benzinë. Anëtaret femra të të ashtuquajturës “policia e moralit” e shtetit islamik, Al-Hisbah, janë lëshuar në një fushatë terrori brenda kampit sirian duke zbatuar ligjet radikale të grupit terrorist mbi popullatën”, shkruan britanikja “The Sun”.
