Viktima 22 vjeçari Hamdi Krusha, nga qyteti i Prizrenit.
Një tjetër shqiptar nga Kosova është vrarë në Siri. Ai është 22 vjeçari Hamdi (Fadil) Krusha nga qyteti i Prizrenit. Ai njihej ndryshe si Sulejman El-Albani dhe prej mëse dy vitesh luftonte në Siri. Familjarët e tij janë njoftuar ditën e dielë për humbjen e të birit, ndërkohë që sipas tyre ai është vrarë ditën e shtunë, me datë 02.04.2016. Gazeta kosovare, ” Blic” shkruan se familja e Krushës aktualisht jeton në qytetin në Prizren në lagjen ‘Jeta e Re’ dhe lajmi iu është dhënë nga një bashkëluftëtar i djalit të tyre, edhe ky i fundit nga Prizreni që luftonte së bashku me të në Siri. Sipas gazetës “Hamdi Krusha i takonte organizatës terroriste Al- Nusra”.
