Pasi Këshilli i Rregulloreve vazhdoi mbledhjen jashtë kamerave, Saimir Tahir dha një deklaratë për mediet, jashtë Kuvendit, ai hodhi akuza ndaj kundërshtarëve politikë dhe akuzat e ngritura ndaj tij i quajti politike. Ndërkohë njerëz të shumtë, mbështetës, e kanë pritur jashtë Kuvendit, me brohoritma, puthje dhe përqafime. Po kush janë këta njerëz që e mbrojnë kaq shumë Tahirin?
Ndërkohë që Tahiri flet për gazetarëtë dëgjohen zërat e dy grave, të cilat shajnë Bashën dhe Berishën, e mundësisht këdo që flet kundër Tahirit. Madje, njëra prej tyre, nuk pëlqen as pyetjen që gazetarja e News 24, i bën Tahirit, duke derdhur kundër saj, një lumë fyerjesh, nga “gazetare e qelbur” e deri te “surratja”. Gratë irritohen aq shumë, sa kërkojnë largimin e gazetares, madje edhe e kërcënojnë me fjalët: “Ta marr për leckash dhe ta hedh, turithara, shëmtira e dreqit”.
Për më shumë shikoni videon e mëposhtme dhe kuptoni se çfarë mllefi kanë njerëzit ndaj politikës dhe kujtdo që del kundër interesave të tyre.
https://youtu.be/tKmxQ1lGtRk
/Dritare.net/
