“Kemi kërkuar në Komisionin e Posaçëm të Reformës opinion për statusin e gjyqtarëve të Krimeve të Rënda”
Kryetari i Gjykatës së Krimeve të Rënda, Sandër Simoni, kërkon që të mos shkrihet ky institucion që ai drejton. Në analizën vjetore të kësaj gjykate, Simoni tha se shkrirja sipas parashikimeve të reformës në drejtësi, dëmton gjykimin e çështjeve që janë në gjykim. Simoni theksoi se i është kërkuar komisionit të reformës në Drejtësi opinion për statusin e gjykatësve të krimeve të rënda.
“ Nuk jemi dakord për shkrirjen e Gjykatës së Krimeve të Rënda. Është e panevojshme që Gjykata e Krimeve të Rënda të ndryshojë emërtesë. Shkrirja e Gjykatës dëmton gjykimin e çështjeve që janë në gjykim. Do ishte më mirë që Gjykatës t’i shtohen kompetencat. Shkrirja e Gjykatës dëmton gjykimin e çështjeve që janë në gjykim. Gjykata ka ndikuar në luftën ndaj trafiqeve e krimit të organizuar. Kemi kërkuar në Komisionin e Posaçëm të Reformës opinion për statusin e gjyqtarëve të Krimeve të Rënda”, tha Simoni.
