Ekspertja e ISHP-së, Silva Bino, e cila vetëm pak ditë më parë fitoi betejën më virusin, ka dhënë një mesazh të gjithë qytetarëve, veçanërisht skeptikëve për ekzistencën e Covid-19.
Përmes një video mesazhi, Bino apelon për kujdes, pasi siç shprehet ajo virusi paraqitet në disa forma, mes të cilave janë të format e lehta, mesatare, të rënda dhe tepër të rënda.
“Covidi ekziston. Covidi paraqitet në disa forma, mes të cilave janë të format e lehta, mesatare, të rënda dhe tepër të rënda. Virulenca nuk ka ndryshuar. Pra, shkalla e formave të rënda mbetet e njejtë dhe personalisht kalova një formë të rëndë. E provova vetë se c’do të thotë të kalosh covid në formë të rëndë. Për të gjithë ata që nuk besojnë duhet të jenë të kujdesshëm, të lexojnë faktet, të dëgjojnë historitë njerëzore që janë shumë, të cilat tregojnë se sa e rëndë është sëmundja kur nuk mundesh dot me frymë, kur nuk merr dot oksigjenin dhe duhet të jenë të kujdesshëm e të mbrojnë veten e të afërmit e tyre, pavarësisht moshës së tyre, pavarësisht nëse kanë apo jo sëmundje shoqëruese. Shpeshherë Covidi nuk pyet.” shprehet Bino në video mesazhin e shpërndarë nga Ministrja e Shëndetësisë, Ogerta Manastirliu.
