Shefja e departamentit të Sëmundjeve Infektive, Silva Bino konfirmoi se 28 vjeçari i cili ka hyrë në Shqipëri më 26 shkurt cilësohet si pacienti zero dhe është një rast i importuar.
Në një konferencë të përbashkët me ministren Manastirliu dhe një grup mjekësh, Bino shtoi se Shqipëria mund të kryejë nga 200 deri në 500 analiza në ditë. Sa për gjendjen e të dy rasteve mjekët konfirmuan se ajo vijon të jetë e stabilizuar.
Gjithashtu gati mësohet të jetë edhe karantina në Durrës aty ku pritet të transportohen raste më të rënda nëse ka.
“Kemi një rast të importuar, ky quhet pacienti zero, i cili ka hyrë në vendin tonë. E kemi të qartë rrugën që ka ndjekur dhe kontaktet që ka pasur. Kontakti më i ngushtë është i ati, edhe ai i infektuar. Është në Durrës karantina, do transportuohen atje njerëzit sipas nevojës. Karantina është gati, kam qënë vetë në terren”, tha Bino.
