Dorëheqja e Ardi Veliut si drejtor i Përgjithshëm i Policisë së Shtetit, pak javë më parë shkaktoi jo pak bujë, pasi deri në atë ditë duket se ai ishte “i paprekshmi” i Ramës, pavarësisht gjarjeve kriminale që ndodhnin në vend.
Në letrën e tij të dorëheqjes, Veliu tregoi dhe arsyet e këtij vendimi, duke theksuar se kishte ardhur koha të rrintë më shumë pranë familjes, pasi fëmijët i ka në moshë delikate.
Nuk kaloi shumë kohë dhe ish-kryepolici e paska pasur vendin gati në qeveri. Sot ai është emëruar zv.ministër i ministrisë së Infrastrukturës dhe Energjetikës.
Ndërkohë, në rrjet kanë nisur menjëherë ironitë për këtë emërim të ri të tij, teksa shumë prej tyre i kujtojnë Veliut fëmijët dhe familjen.
