Siçilia është goditur nga një tërmet i fuqishëm në zonën përreth vullkanit Etna. Tërmeti ishte me magnitudë 4.8. autoritetet vendore raportojnë për 10 të lënduar, dhjetra ndërtesa e godina banimi të dëmtuara.
Banorët u përfshinë nga paniku dhe kanë dalë në rrugë të frikësuar. Lëkundjet sizmike janë ndjerë edhe në Catania. Ky është tërmeti më i fortë përreth vullkanit Etna në harkun kohor të dy ditëve, duke pasuar kështu me shumë se 130 lëkundje.
Të hënën, vullkani më aktiv në Europë u zgjua. Hiri vullkanik mbuloi fshatrat përreth dhe shumë fluturime nga aeroporti i Catanias u anuluan. Banorët që ndodhen në zonat aty pranë u është kërkjuar të largohen gjetkë.
