60 perosna kane vdekur nga helmimi me locion banjoje në Siberi të Rusisë.
Raportohet se ky locion është ngatëruar me pije alkoolike dhe si pasojë mjekët janë kujdesur për të helmuarit duke i trajtuar ata si të alkoolizuar gjë që ka çuar në fatalitet për 60 persona.
Zëdhënësja e Ministrisë rajonale të shëndetësisë, Tatyana Shkurskaya, tha se afro 40 meshkuj dhe femra mbeten në spital, pas trajtimit për helmim me alkool, pasi kanë konsumuar losion për larje.
Komiteti Hetues i Rusisë ka njoftuar se 11 vetë, të dyshuar për shitje të locionit janë arrestuar, ndërsa janë gjetur dy lokale ilegale, që e prodhonin këtë locion.
Helmimi me alkool surrogat është dukuri e shpeshtë në Rusi, ku njerëzit ndonjeherë pijnë substanca që përmbajnë alkool, pasi kushtojnë më lirë se pijet alkoolike.
Agjencia për mbrojtjen e konsumatorëve në Rusi, Rospotrebnadzor, në muajin nëntor ka njoftuar për 36 mijë raste të helmimit me alkool në gjithë vendin, në nëntë muajt e parë të vitit 2016, ndërsa 9,300 vetë kanë vdekur.
