Ka ardhur sezoni i qershive dhe ato janë kaq të shijshme edhe për fëmijët. Por, në këtë rast kanë një problem të vogël, bërthamat. Fëmijët kur janë të vegjël nuk arrijnë ta heqin bërthamën si ne të rriturit pra gjatë kohës që e kafshojnë qershinë në gojë.
Për të gjitha ju mama që doni tu jepni qershi fëmijëve por ju duket pak e bezdishme pastrimi i tyre një nga një, pasi gjatë heqjes së bërthamës lëshojnë shumë lëng ju tregojmë mënyrën më të shpejtë, që e lë kokrrën e qershisë ashtu siç është. Kjo mënyrë ju ndihmon që të bëni ëmbëlsira me qershi.
Merrni një pip dhe nguleni nga ana e bishtit të qershisë, shtyjeni tutje në zemër të saj dhe paf do të shihni bërthamën që del nga ana tjetër dhe fruti do të duket si i paprekur.
