Me 207 votat e mara në Asamble, emrat e zgjedhur në kryesi si edhe vendimet e marra sot nga Rama, Belinda Balluku duket ta ketë rrugën e hapur drejt kandidimit për në Bashkinë e Tiranës. Balluku rezulton më e votuara për në kryesi, e ndjekur nga Ogerta Manastirliu dhe Ditmir Bushati me nga 204 vota.
Por kjo ishte ajo që u pa. Ngjarja më e rendësishme në këtë asamble të PS-së ishte shkrirja e lobit të tij dhe nxjerrja jashtë loje e Erion Veliajt dhe 99-çave të tij. Nga 99-çat e Veliajt, tani në qeveri ka mbetur vetëm Olta Xhaçka, dhe me rikonfirmimin në detyrë tani ajo është socialiste e Ramës dhe jo 99-çe.
Ndërkohë që fustenë kryesi Bushatin e leçitur më parë, PS do të nxirrte prej saj dy “Xhafajt” e Velisë, Fatmirin që theu herësin në Tiranë me votat e punonjësve të bashkisë dhe Etjenin që e pati nga pas kryebashkiakun e kryeqytetit në çdo ditë të fushatës së tij në Kavajë dhe Rrogozhinë.
E ndërkohë që ndodhnin këto, Rama “zhveshi” edhe Taulant Ballën duke i dhënë një dorë të fortë krahut të Damian Gjiknurit në parti. Si për të dhënë edhe një mesazh, Rama e zëvendësoi Ballën dy herë me Gjiknurin, një herë në parti dhe një herë në Elbasan, ku ai ishte kthyer në pasha.
Gjiknuri njihet si kundërshtar i Veliajt në PS dhe duket se sot nuk ka ndodhur asgjë rastësisht. Nëse beu i Surrelit i futi një shpullë Taulant Ballës, mund të thuhet se lalit të bashkisë i futi shkelmin. Madje, atij nuk i mjaftuan as fotot e shpeshta me Aleks Sorosin gjatë javëve të fundit për t’i mbushur mëndjen shefit që ta rikonfirmonte për në bashki./27.al
