Ledri Vula dhe Sara Hoxha janë padyshim një ndër çiftet më të komentuar dhe më të pëlqyerit në shoëbizin shqiptar. Nëpërmjet postimeve në rrjetet sociale, Sara ndan shpesh momente nga përditshmëria me Poin dhe reperin.
Mirëpo krahas familjes së tyre të vogël, nusja e shtëpisë na ka treguar që ka një super marrëdhënie edhe me vjehrrën (mamin e Ledrit).
Por, edhe pse vazhdimisht në qendër të vëmendjes, Sara nuk i ka preferuar daljet publike. Mirëpo duket se këtë të diele kemi një surprizë.
Ditën e sotme nëpërmjet disa postimeve në Instagram, Sara ka zbuluar se ndodhej në studiot e “N’majë t’gjuhës”. Pa dhënë shumë informacione, blogerja na ka zbuluar fare pak nga ajo që do të transmetohet këtë të dielë.
Të njëjtat video i ka ri-postuar edhe Xheri në Instagramin e saj ku nuk kanë munguar edhe batutat. Në njërën nga videot ku Sara shfaqet duke kënduar në studiot e emisionit, moderatorja ka shkruar: “Ku durohen dy këngëtarë në familje”.
Mos ndoshta intervistën e saj të parë Sara do ta japë pikërisht përballë vjehrrës së saj? Na mbetet të presim të dielën për ta zbuluar.
