Dy procese shumë të rëndësishme gjyqsore në Gjykatën e Krimeve të Rënda, kanë çuar në vendimin e policisë për të blinduar ambjentet e kësaj gjykate. Rreth mesditës pritet të zhvillohet seanca gjyqsore për masën e sigurisë ndaj Emiljano Shullazit si dhe vendimi për për imamët e akuzuar për xhihadistë. Rreth 70 efektivë policie janë angazhuar sot për të ruajtur Gjykatën e Krimeve të Rënda.
Për çështjen Shullazi, pritet që prokuroria e Krimeve të Rënda do kërkojë arrest me burg për Emiljano Shullazin, 38 vjeç, Gilmando Dani, 38 vjeç, dhe Blerim Shullazi, 32 vjeç, banues në Krujë. Ata akuzohen për për “shkatërrim të pronës me eksploziv”, ndaj shtetasit Jani Zaka (Arjan Zika), me qëllim kanosjen e tij për fitimin e pasurisë në mënyrë të padrejtë.
