Ka ndërruar jetë komediani i mirënjohur, Gëzim Kruja. Ai prej kohësh nuk gëzonte një gjendje të mirë shëndetësore.
Dalja e tij e fundit në publik ishte në festën e 80 vjetorit të lindjes që organizoi Teatri Migjeni në Shkodër.
Gëzim Kruja lindi në Shkodër, në vitin 1939.
Karrierën humoristike e ka nisur që në moshën 13-vjeçare.
Fillimet i ka patur me estradën amatore nisin që në kohën kur ishte ushtar më 1958.
Më pas vazhdoi aktivizimin në vitin 1960 me Estradën profesioniste të Shkodrës.
Gëzim Kruja ka mbaruar në vitin 1979 Institutin e Lartë Pedagogjik, dega e Gjuhës dhe Letërsisë në Shkodër.
Ka shkruar 15 komedi, 10 recitate, 2 libra me monologë gazmor.
Ka interpretuar mbi një mijë role në skeçe të ndryshme dhe ka 52 vite që ushtron profesionin e humoristit.
Në vitin 2004 ka marrë titullin “Krenaria e Qytetit”.
Në vitin 2005 merr titullin “Naim Frashëri i Artë” dhe në vitin 2010 titullin “Mjeshtër i Madh”.
