Çështja penale e ish ministrit të Brendshëm Saimir Tahiri është shtyrë për më datë 13 maj, pasi Akti Normativ nuk e ka cilësuar një çështje të ngutshme.
I pranishëm në seancë ishte edhe avokati i Tahirit Maks Haxhia dhe avokati i Jaeld Çelës , Petrit Ismailaj.
Çështja e Tahirit u çua në apel 5 muaj nga dhënia e dënimit me 3 vite e 4 muaj burg, e cila iu konvertua në sërbim prove.
Vendimi i Gjykatës së Shkallës së Parë për Krime të Rënda u apelua si nga ana e Tahirit, ashtu dhe nga ana e Prokurorisë, e cila kishte kërkuar më shumë vite burg për ish-ministrin e brendshëm të qeverisë Rama.
