Është shtyrë ngritja e komisioneve hetimore parlamentare.
Në mbledhjen e sotme, Konferenca e Kryetarëve ka vendosur që të shtyjë ngritjen e komisioneve hetimore për zgjedhjet e 25 prillit, çështjen e Becchettit, si dhe atë të inceneratorëve, çështje këto të ngritura nga PD për hetim.
Kreu i Grupit Parlamentar të Partisë Socialiste Taulant Balla është shprehur se: “ Kuvendi, në rastet kur kërkohet ngritja e komisionit hetimor nga një e katërta e deputetëve, ka detyrimin që të mos e diskutojë ngritjen e komisionit, por ia nënshtron diskutimit parlamentar shkallën e respektimit të parimeve kushtetuese në objektin e veprimtarisë së tij. Ky debat realizohet me qëllim gjetjen e një konsensusi ndërmjet palëve lidhur me objektin e hetimit, deri në arritjen e një vendimmarrje”.
