Shtohet misteri rreth zhdukjes së Ervis Martinaj, i njohur ndryshe dhe si “mbreti i lojërave të fatit”, i cili prej më shumë se një muaji është bërë kryefjalë e medieve pas zhdukjes në mënyrë misterioze.
Policia e Shtetit ende nuk ka dalë në një deklaratë zyrtare për të treguar nëse ai është marrë peng dhe është vrarë apo ka bërë një zhdukje të inskenuar. Martinaj njihej dhe për shoqërinë me vajzat seksi të showbizit, ku vetëm dy ditë para se të zhdukej, u filmua nga kamerat e sigurisë së kaloi natën me një miss në një hotel të njohur në qytetin e Durrësit
Së fundmi, pas fotos në një klub të njohur +18 në Dusseldorf të Gjermanisë, i quajtur “FKK- und Saunaclub Oceans”, është publikuar një tjetër foto e Ervis Martinajt. I shumë kërkuari i drejtësisë, dhe deri më tani i zhdukuri, Ervis Martinaj shfaqet në një vend të gjelbëruar, ndërsa është i veshur me një xhup dhe duket se koha është e vrenjtur. Ende nuk dihet koha dhe vendi i saktë se kur është bërë kjo foto, ndërsa policia vijon të mos ketë një përgjigje për fatin e Vis Martinajt.
