Sopranoja shqiptare Ermonela Jaho mori çmimin “Covent Garden”, falë shfaqjes së saj elektrizuese në Puçinit “Madame Butterfly”, me atë rol aq të arrirë të Cio-Cio San, me të cilin ka korrur sukses të jashtëzakonshëm në mbarë botën. Triumfi e ka pritur krahëhapur gjatë intepretimit të saj në Shtëpinë Mbretërore të Operas në Londër. Ajo është vlerësuar nga Royal Opera House si Cio-Cio San më e mirë e parë në Londër prej vitesh.
Kritika artistike që i bëhet sopranos shqiptare është si më poshtë:
“Jaho kombinon dobësinë dhe lëvizshmërinë, në të njëjtën kohë që përçon brishtësinë e një kukulle me gjuhën e trupit të saj. Dueti i saj me tenorin Marcelo Puente është hyjnor dhe solo-ja e saj e gjatë, në të cilën shpresa lufton me frikën na mban në ankth në çdo moment: Ajo është Madame B më e mira që Londra ka parë ndër vite.”
