Shtëpia e Bardhë ka njoftuar se presidenti amerikan, Donald Trump, nuk do të zhvillojë takim me presidentin rus, Vladimir Putin.
Sekretarja për shtyp e Shtëpisë së Bardhë, Sarah Sanders ka njoftuar se nuk ka pasur asnjë takim të konfirmuar dhe nuk do të ketë ndonjë takim për shkak të mosperputhjes së orareve nga të dyja palët.
Sanders tha se ka mundësi që të zhvillohet ndonjë takim joformal, ose në Danang apo më vonë në Filipine, ku Trump dhe Putin do të marrin pjesë në një tjetër konferencë.
Kremlini ka njoftuar më herët se do të mbahet takimi në mes të palës ruse dhe amerikane, ndonëse sekretari amerikan i shtetit, Rex Tillerson, pati njoftuar se ende nuk ka ndonjë vendim rreth kësaj çeshtje.
