Martin Shkreli, një biznesmen amerikano- shqiptar i dënuar me 7 vite burg në SHBA për mashtrim me prodhimin e ilaçeve kërkon lirinë për të gjetur kurën ndaj COVID-19.
Shkreli përveç suksesit si biznesmen në SHBA në fushën e medikamenteve ka fituar edhe tituj të tjerë negativë si njeriu më i urryer për 2015.
Ai kërkon vetëm 3 muaj liri, nën mbikqyrje të rreptë për të kontribuar në gjetjen e një kure për të mposhur COVID-19. Po ashtu Shkreli thotë se nuk do që të përfitojë në asnjë formë nga medikamenti për koronavirusin.
Shkreli apo i njohur ndryshe si “Pharma Bro” ka rritur çmimin e një ilaçi antiparazitar 56-fish, nga 13 dollarë në 750 dollarë ndërkohë që gënjente investitorët për ecurinë e ilaçit, për këtë arsye ai është dënuar me 7 vjet burg.
