Gjatë 20 viteve të fundit, bandat shqiptare kanë kontrollin e tregut të lulëzuar të kokainës në Britani, pasi kanë krijuar një aleancë me kartelet vdekjeprurëse të drogës në Amerikën Latine.
Me titullin “si gangsterët shqiptarë po drejtojnë rrjetin e tyre të drogës në të gjithë Mbretërinë e Bashkuar” në shkrimin e një media britanike thuhet ndër të tjera se ka një qytet në Britani, ku ata nuk mund ta prekin dhe ky është Liverpuli.
Në dy dekada bosët e drogës kanë shfrytëzuar paratë e pista për të bërë jetë luksoze, ndërsa kanë makina si “Ferrari” apo “Bentley”. Ndryshe nga të tjerat, bandës i pëlqen qendra e vëmendjes dhe janë bërë të njohur për videot e tyre muzikore në mediat sociale që janë të rrethuar me tufa parash, bizhuteri dhe motorë.
“Mijëra shqiptarë mbërritën në Britaninë e Madhe në fund të viteve 1990 dhe në fillim të viteve 2000 gjatë një krize refugjatësh.
Ata fillimisht lanë shenjën e tyre aktivitetin e prostitucionit. Burimet policore kanë treguar se si në fillim të viteve 2000 ata luftuan kundër bandave xhamajkane dhe kineze të drogës për kontrollin e Londrës, për të depërtuar më pas në të gjitha nivelet e tregtisë së kokainës prej 5 miliardë paundësh në Mbretërinë e Bashkuar”, shkruan media britanike.
“Por ka një qytet ku kumbarët vendas u kanë thënë të qëndrojnë larg – Liverpul.
Burri, i cili kërkoi të mos përmendet emri, tha për The Sun: “Bandat shqiptare të drogës janë kudo në Mbretërinë e Bashkuar, por jo në Liverpul. “Bandat lokale mbrojnë Liverpoolin dhe nuk do t’i lejojnë të hyjnë. Ata janë paralajmëruar”.
“Bandat e ndryshme shqiptare të drogës janë të forta. Anëtarëve u caktohen detyra të ndryshme. Ata kanë një shofer, një “kujdestar dhe ekonomist.”
