Pas tërmetit tragjik të 26 nëntorit që la pas 51 viktima, shqiptarët kudo në botë janë solidarizuar duke mbledhur ndihma për përballimin e situatës pas tërmetit.
Për dy javë shoqatat e shumta atdhetare shqiptare, të cilat veprojnë në Australi, kanë mbledhur mbi 255 mijë dollarë për viktimat e tërmetit, ndërkohë që vazhdojnë fushatën e tyre për grumbullimin e ndihmave të tjera.
Komuniteti shqiptar në Australi vazhdon të ruajë vlerat e kombit.
Dëshmi për këtë është Festivali Shqiptar në Melburn, i cili për afro tri dekada ruan kulturën, gjuhën dhe traditën e stërgjyshëve.
