Ka përfunduar me rezultatin 3-0 ndeshja mes Izraelit dhe Shqipërisë ku arbitri gjerman Aytekin është bërë protagonist i ndeshjes, me akordimin e dy penalltive dhe dy kartonëve të kuq, në dëm të skuadrës sonë përfaqësuese.
Për Izraelin ka shënuar Zahavi nga pika e penalltise. Faulli i shkaktuar nga Berat Gjimshiti e largoi ate me karton te kuq. Shqipëria nuk po e merr dot veten nga pesimi i golit te pare dhe mbetja me 10 lojtare. Izraelitet rrezikojne serish. Një tjeter karton vjen per Llullakun i cili nderhyri ashper ndaj Cohen. Por kesaj radhe i verdhe. Rasti i pare i mire ka ardhur pikerisht nga Llullaku që dha nje top te mire Memushajt brenda zonës. Por e majta e mesfushori ishte e pasaktë. Gjithashtu Roshi depërtoi ne krah duke dhene nje kros ne fushe, te cilin Llullaku nuk mundi ta kapte dot.
Ishte minuta e 55, kur sërish kryesori gjerman i takimit bëhet sërish protagonist. Pas një nxehje gjakrash mes portirit Berisha dhe sulmuesit Zahavi, Arbitri ndëshkon me kartonin e kuq portierin tonë dhe akordon sërish 11-metërsh. Por Alban Hoxha, i sapo futur, arrin të presë penalltinë e goditur nga Zahavi.
Në minutën e 84, Atar shënoi edhe golin e tretë për Izraelin duke e vulosur rezultatin në 0-3.
