Shqipëria është kualifikuar në Euro 2024, ndërsa kjo është hera e dytë në historinë e kombëtares shqiptare, që merr pjesë në një kampionat europian.
E ndërsa në 2016 kualifikimi u pasua me entuziazëm dhe skepticizëm, veçanërisht nga kritikët, për atë 3 pikëshin e marrë në tavolinë për ndeshjen e luajtur në Beograd, në kualifikueset për Euro2024, Shqipëria kishte prerë biletën si një nga skuadrat pjesëmarrëse të kompeticionit, pa pritur ndeshjen e fundit.
Kuqezinjtë e drejtuar nga braziliani Sylvinho shkëlqyen në tre takime decizive, dy ndeshje kundër Çekisë dhe tjetrën ndaj Polonisë, ku kombëtarja në total grumbulloi 7 pikë. Dhe ky sukses i kuqezinjve nuk ishte një rastësi. Nëse kthehemi pak në kohë dhe kujtojmë deklaratat dhe optimizmin e Presidentit të FSHF-së, Armand Duka, do të kuptojmë se kualifikueset për Euro2024, ishin jo thjesht një objektiv për të mbërritur në Gjermani, por një strategji e ndërtuar me kujdes.
“E bëmë në 2016-n, jemi besimplotë se do arrijmë sërish te kualifikimi për në Kampionatin Europian 2024”, do të shprehej Armand Duka, teksa rendiste objektivat e strategjisë së FSHF “Futbollit për Kombin 2022-2025” në shkurt të vitit 2022.
Dhe duket se që nga kjo kohë, FSHF nën drejtimin e Dukës ka punuar shumë për të arritur deri këtu përmes veprave, me investime të rëndësishme në infrastrukturë dhe me një qendër sportive moderne siç është Shtëpia e Futbollit, që ofron kushtet më të mira të mundshme për futbollistët e Kombëtares, por edhe për stafin teknik.
Nëse hera e parë mund të konsiderohet nga kritikët si një rastësi, kualifikimi për herë të dytë i Kombëtares shqiptare në finalet e një Kampionati Europian duhet të konsiderohet plotësisht e merituar. Ndër 8 finale të luajtura nga Kombëtarja, kuqezinjtë morën 4 fitore, 3 barazime dhe 1 humbje, për t’u për renditur e para e grupit si kurrë më parë.
Po për herë të parë, Shqipëria e futbollit siguroi një biletë për në finalet e Kampionatit të ardhshëm Europian një ndeshje përpara se ky cikël të mbyllej. Një Kombëtare me të drejtë fantastike, pa dyshim mahnitëse, plotësisht e shkëlqyer, vërtetë e pamposhtur në shtëpi dhe shumë e fortë në transfertë.
Shumë nuk besuan, as te deklaratat e Presidentit Duka në muajin dhjetor 2022, kur Kombëtarja njohu kundërshtarët e radhës për këtë fushatë eliminatore dhe as kur u bë prezantimi i trajnerit të ri të në krye të Kombëtares, Sylvio Mendes Campos Junior. Për gazetarë të shumtë, kritikë, ish-futbollistë, tifozë etj., finalet e ‘Gjermani 2024’ ishin një ëndërr e largët për skeptikët.
Kur u pyet për objektivat që ka Kombëtarja në këtë fushatë kualifikuesesh, Presidenti i FSHF, Armand Duka tha: “Në grupin tonë mund të luhen ndeshjet dhe mund të bësh çdo rezultat. Është real objektivi për të qenë pjesë e Euro 2024. Kur kemi marrë shortin për Euro 2016, menduam se ishte i pakalueshëm, por ia dolëm”. Edhe trajneri Silvinjo, kur u prezantua në krye të Kombëtares shqiptare nënvizoi se dëshira e tij dhe e stafit ishte vetëm një: të sillnin rezultate pozitive dhe ta çonin Kombëtaren shqiptare aty ku e meriton.
Dhe ky kualifikim ishte i paralajmëruar, me objektiva realë, me këmbë në tokë, me shumë punë e pasion, më dëshirë, pa subjektivitet e me shumë bindje në deklaratat Presidenti Duka dhe trajnerit Silvinjo, e ashtu sikurse thotë shpesh edhe tekniku, me zemër e shpirt në fushë.
Tashmë, Shqipëria ka shkruar emrin e saj në UEFA, si një nga pjesëmarrëset në finalet e kompeticionit europian duke kurorëzuar kështu më së miri një projekt të mirëfilltë dhe një strategji të mirëmenduar për të arritur deri te suksesi.
Shqipëria është kualifikuar në Euro 2024, ndërsa kjo është hera e dytë në historinë e kombëtares shqiptare, që merr pjesë në një kampionat europian.
E ndërsa në 2016 kualifikimi u pasua me entuziazëm dhe skepticizëm, veçanërisht nga kritikët, për atë 3 pikëshin e marrë në tavolinë për ndeshjen e luajtur në Beograd, në kualifikueset për Euro2024, Shqipëria kishte prerë biletën si një nga skuadrat pjesëmarrëse të kompeticionit, pa pritur ndeshjen e fundit.
Kuqezinjtë e drejtuar nga braziliani Sylvinho shkëlqyen në tre takime decizive, dy ndeshje kundër Çekisë dhe tjetrën ndaj Polonisë, ku kombëtarja në total grumbulloi 7 pikë. Dhe ky sukses i kuqezinjve nuk ishte një rastësi. Nëse kthehemi pak në kohë dhe kujtojmë deklaratat dhe optimizmin e Presidentit të FSHF-së, Armand Duka, do të kuptojmë se kualifikueset për Euro2024, ishin jo thjesht një objektiv për të mbërritur në Gjermani, por një strategji e ndërtuar me kujdes.
“E bëmë në 2016-n, jemi besimplotë se do arrijmë sërish te kualifikimi për në Kampionatin Europian 2024”, do të shprehej Armand Duka, teksa rendiste objektivat e strategjisë së FSHF “Futbollit për Kombin 2022-2025” në shkurt të vitit 2022.
Dhe duket se që nga kjo kohë, FSHF nën drejtimin e Dukës ka punuar shumë për të arritur deri këtu përmes veprave, me investime të rëndësishme në infrastrukturë dhe me një qendër sportive moderne siç është Shtëpia e Futbollit, që ofron kushtet më të mira të mundshme për futbollistët e Kombëtares, por edhe për stafin teknik.
Nëse hera e parë mund të konsiderohet nga kritikët si një rastësi, kualifikimi për herë të dytë i Kombëtares shqiptare në finalet e një Kampionati Europian duhet të konsiderohet plotësisht e merituar. Ndër 8 finale të luajtura nga Kombëtarja, kuqezinjtë morën 4 fitore, 3 barazime dhe 1 humbje, për t’u për renditur e para e grupit si kurrë më parë.
Po për herë të parë, Shqipëria e futbollit siguroi një biletë për në finalet e Kampionatit të ardhshëm Europian një ndeshje përpara se ky cikël të mbyllej. Një Kombëtare me të drejtë fantastike, pa dyshim mahnitëse, plotësisht e shkëlqyer, vërtetë e pamposhtur në shtëpi dhe shumë e fortë në transfertë.
Shumë nuk besuan, as te deklaratat e Presidentit Duka në muajin dhjetor 2022, kur Kombëtarja njohu kundërshtarët e radhës për këtë fushatë eliminatore dhe as kur u bë prezantimi i trajnerit të ri të në krye të Kombëtares, Sylvio Mendes Campos Junior. Për gazetarë të shumtë, kritikë, ish-futbollistë, tifozë etj., finalet e ‘Gjermani 2024’ ishin një ëndërr e largët për skeptikët.
Kur u pyet për objektivat që ka Kombëtarja në këtë fushatë kualifikuesesh, Presidenti i FSHF, Armand Duka tha: “Në grupin tonë mund të luhen ndeshjet dhe mund të bësh çdo rezultat. Është real objektivi për të qenë pjesë e Euro 2024. Kur kemi marrë shortin për Euro 2016, menduam se ishte i pakalueshëm, por ia dolëm”. Edhe trajneri Silvinjo, kur u prezantua në krye të Kombëtares shqiptare nënvizoi se dëshira e tij dhe e stafit ishte vetëm një: të sillnin rezultate pozitive dhe ta çonin Kombëtaren shqiptare aty ku e meriton.
Dhe ky kualifikim ishte i paralajmëruar, me objektiva realë, me këmbë në tokë, me shumë punë e pasion, më dëshirë, pa subjektivitet e me shumë bindje në deklaratat Presidenti Duka dhe trajnerit Silvinjo, e ashtu sikurse thotë shpesh edhe tekniku, me zemër e shpirt në fushë.
Tashmë, Shqipëria ka shkruar emrin e saj në UEFA, si një nga pjesëmarrëset në finalet e kompeticionit europian duke kurorëzuar kështu më së miri një projekt të mirëfilltë dhe një strategji të mirëmenduar për të arritur deri te suksesi.
