89 raste të reja me Covid-19 janë regjistruar në 24 orët e fundit në Shqipëri. Sipas Ministrisë së Shëndetësisë, asnjë humbje jete nuk është shënuar nga virusi, ndërsa janë shëruar 179 qytetarë.
Aktualisht në spitalin COVID3 po marrin trajtim 27 pacientë, ndërsa janë 3,331 qytetarë aktivë me Covid19 në të gjithë vendin.
“Ju informojmë për situatën në 24 orët e fundit, si vijon: Janë kryer 321 testime, nga të cilat kanë rezultuar pozitivë me COVID19, 89 qytetarë, në këto bashki:
30 në Tiranë, 10 në Kurbin, nga 9 qytetarë në Kavajë, Lushnje, 8 në Pogradec, 5 në Dibër, 3 në Delvinë, nga 2 qytetarë në Pukë, Mallakastër, Vlorë, Berat, Bulqizë, Gramsh, nga 1 qytetar në Shkodër, Sarandë, Përmet.
Janë 3,331 qytetarë aktivë me Covid19 në të gjithë vendin.
Aktualisht në spitalin COVID3 po marrin trajtim 27 pacientë. Në 24 orët e fundit nuk ka asnjë humbje jete me Sars-Cov2.
Janë shëruar 179 qytetarë gjatë 24 orëve të fundit, duke e çuar numrin e të shëruarve në 314,991 që nga fillimi i epidemisë.”-njofton MSH.
