Shqipëria dhe Turqia kanë firmosur sot 7 marrëveshje të reja për bashkëpunime në disa fusha të ndryshme. Presidenti i Turqisë, Recep Tayyip Erdoğan, ka mbërritur ditën e sotme për një vizitë në Shqipëri, ku pas takimeve sipas agjendës ai po zhvillon në këto momente një takim me kryeministrin Edi Rama.
Erdogan erdhi në Shqipëri për të inauguruar shtëpitë e rindërtuara nga Turqia në vendin tonë, pasi tërmeti në 2019 i shkatërroi plotësisht. Ndërkohë pak minuta më parë mes tij dhe Ramës janë nënshkruan 7 marrëveshje të tjera.
7 marrëveshjet e nënshkruara
1-Memorandum mirëkuptimi në fushën e menaxhimit të Fatkeqësive ndërmjet Drejtorisë së Emergjencave dhe Ministrisë së Brendshme të Turqisë.
2-Marrëveshje bashkëpunimi ndërmjet Agjencisë Anadolu dhe Agjencisë Telegrafike Shqiptare.
3-Protokoll bashkëpunimi ndërmjet Drejtorisë së Përgjithshme Shtetërore të Operas së Baletit dhe të ministrisë së Kulturës dhe Turizimit të Turqisë dhe Ansamblit të Operas dhe Baletiti dhe Folklorit shqiptar.
4-Memorandum mirëkuptimi ndërmjet ministrisë së jashtme të Turqisë dhe asa shqiptare për bashkëpunimin në fushën e protokollit.
5-Memorandum mirëkuptimi për bashkëpunimin në fushën e trajnimeve për zbatimin e ligjit ndërmjet qeverisë së Turqisë dhe Shqipërisë.
6-Protokoll Bashkëpunimi ndërmjet Drejtorisë së Arkivit Shtetërore Turqisë dhe Drejtorisë së Përgjithshme të Arkivit.
7-Memorandum mirëkuptimi për Bashkëpunimin në Fushën e Rinis dhe Sporteve ndërmjet ministrisë se Turqisë dhe asaj shqiptare.
